Përmbajtjet e rreme të prodhuara nga Inteligjenca Artificiale. Si t’i dallojmë?

Keqpërdorimi i Inteligjencës Artificiale për të prodhuar imazhe dhe video false është një nga shqetësimet aktuale që ka sjellë zhvillimi i teknologjisë. Kohët e fundit është rritur alarmi për prodhim të lajmeve false, mashtrim apo dezinfomim duke përdorur IA. Ajo çka e bën edhe më shqetësues këtë realitet është vështirësia për të dalluar çfarë është false dhe çfarë e vërtetë. Ekspertët na vijnë në ndihmë me këshilla të ndryshme, që duhen mbajtur parasysh gjatë lundimit në internet dhe kur duam të informohemi online.